واحد صفر

رقمين قريبين من بعض

لكن يقدروا يوصلوا للسماء مع بعض

لو أفترقوا حينزلوا لقاع الأرض

و تدبل زهرتهم بعد ما كانت ورد

احب اقدملكم الواحد و الصفر

أو الصفر و الواحد

أصلها بتفرق مابينهم

مين قبل مين, و مين أحسن من مين

رغم كل المشاكل دي

الأتنين كانوا مجتهدين, منتجين

كل شوية يكسبوا, و القيمة تزيد

ساعتها بدىء الخلاف, و نار الكبر تئيد

الصفر بيطالب بزيادة في النصيب

الصفر ده قديم, الأول, خبرة

الواحد أتضايق, و اعترض

لأن الصفر مجرد صفر مايساويش

الصفر شايف أن بيه الواحد بقي أقوي

بقي عشرة, مية, ألف, ملايين

الواحد أستغرب جدا, الصفر ضعيف

مليون صفر جنب بعض من غير واحد يسند, يعني صفر

الصفر عنده حق

الصفر هو الأصل

الواحد كمان عنده حق

هو اللي طور و بني نفسه من الصفر

في الحقيقة مفيش أي مشاكل بين الواحد و الصفر, لكن في القصة دي هما رمزان لكل اتنين (أو أكثر) أصدقاء أو زملاء أو أخوات أو زوجين أو بلدين أو حضارتين, أو امبراطيريتين, أو ... علي حسب أنت عاوز تفهمها ازاي.

المشكلة بقي أن الأتنين مختلفين بس متناسقين, و ده سبب نجاحهم.

في الصفر: الأصل, ده أول واحد جه, و الأكثر خبرة لكن منغير فعل علشان كده فضل مكانه

في الواحد: الجديد, ده اللي طور و جدد من نفسه, و ساعد الصفر أنه يكون ملايين

المشكلة تظهر لما كل واحد يقارن نفسه بصفر, أو العكس. ساعتها حيقارنوا بين وجودهم مع بعض أو لوحدهم.
لما تحس أن شريكك شبه الصفر, ده مش عيب لأنه ممكن يكون قديم أكثر منك, بس خبرة. و لما تحس أنك صاحب الأفضال علي الواحد, لأ الواحد تعب و اجتهد علشان يطور بس نعمل في حسابنها برضو أنه بني من الصفر !!!

تفضل إيه؟؟

الواحد ولا الصفر

أختار مكانك و حافظ عليه
مهما كان واحد ولا صفر
المهم أنك تتفوق فيه
الأرقام الصحيحة أفضل من الكسور.
  

"Everybody is a genius. But if you judge a fish by its ability to climb a tree, it will live its whole life believing that it is stupid." — Albert Einstein