ضِحكه

ضِحكة !!

لما تكون من القلب

تقدر تِنهي أي حرب

 تقدر تِصَفّي أي كَرب

لما زعِلت فرحتيني

لما اُحرَجت سَترتيني

لما غضبت هدتيني

أو لما غضبت انقذتيني

اصل الغضب دلوقتي بقى ممنوع

طول ما علم مصر لسه مرفوع

اطمئن يا قِلّة و غَيَّر الموضوع

مفيش شعور بأي حد موجوع

مش في ناس بتموت من الجوع؟

بتتعذب كل يوم, من كل نوع؟

المية بالقطارة, و النور مقطوع

أمن مافيش,و سكن مخلوع

مش زي عذابكم

لما النت كان مقطوع

لما دش يبوظ

ولا موبايل مش مشحون

-----
حياة شريفة لكن تفكير يعر

حياة كريمة لكن مليان كِبر
ابو الهول خلى الناس تتغر
و لما قلت لصاحبي

"عاوزين نطور في البلد دي"

"...طيب يا عم, هو أنت بقا اللي" 

"ارجوك, لو كل واحد قال كدا, احنا عمرنا ماحنتحرك"

"اعمل إيه اكتر من كده, ده أنا مسحول"

صاحبنا ده لو كل المصريين زيه
احب ابادر و اتنبأ بخراب مصر
لكن مصر لسه بخير
مصر بعد الثورة غير


المهم الإيمان بكده
الحرية هي حلمنا
لكن منغير المسؤليه
حتخرب بيوتنا كلنا

الضحكة حلوة مفيش جدال

لكن المصيبة لما تدل علي الإهمال

إللي بيضحك من كثرة الإنجاز

و إللي بيضحك من كثرة الإستهبال

عاوز تضحك صح؟؟؟

اتعب, و اسهر, و انجز

و ساعتها تكون ضحكة حلال