تأثير السن

كلما الواحد بيكبر كلما خبرته في الحوار بتزيد؛ بيقدر يستقبل المعلومة بطريقة احسن, و بيقدر يحلل المواقف أسرع و بكفاءة أعلى, و بيقدر يعبر عن افكاره بشكل افضل. بس ده مش معناه انك ماتلاقيش اتنين من كبار السن بيتخانقوا على اصغر الأسباب, لأنه مع العمر, برغم زيادة الخبرة في الحوار برضه طاقة الواحد في الإستيعاب و التحمل بتقل, أو بمعنى أصح خُلقه بيضيق أكتر من الأول, و قلبه بيزداد قسوة, و ثقته في العالم بتقل لحدما تتقلب للعكس, يعني مش بس هو لا يثق في اللي حوليه و انهم عاوزين يساعدوه ده ممكن كمان يثق تمام الثقة انهم عاوزين يضروه حتى لو الناس اللي حوليه ماتغيروش..

الزمن مش بيغير حد, يمكن التجارب اللي بتحصل مع مرور الزمن هي اللي بتغير. زي الصخر لو سيبتها 10سنين حتفضل زي ما هي, لكن لو نزلت عليها قطرات المياة ولو لربع المدة حتتقسم نصين. إنكارك لتأثير التجارب السلبي عليك بيساعد في تهالك روحك و فطرتك, و إعترافك بهذا التأثير بداية العلاج و ليس كل العلاج, لسه قصاد الواحد عمر يفضل يعالج فطرته و يغذّي روحه زي ما بيغذي جسده..